Гигантот за онлајн-игри „Zynga“ отпушта речиси една петтина од своите соработници соопштија светските агенции.
Според иноформациите без работа ќе останат 520 лица од вкупно 2900 вработени или 18 проценти од работната сила. Првите луѓе на компанијата со ваквиот потег очекуваат да заштедат од 70 до 80 милиони долари годишно.
Неволјите на „Zynga“, креаторот на играта „FarmVille“ започна од пред неколку месеци откако корпорацијата го загуби екслкузивниот договор со најголемата социјална мрежа во светот „Facebook“.
Оттогаш инвеститорите песимистички ги оценуваат изгледите за раст на компанијата и се очекуваат уште поголеми проблеми.
