Најдобриот играч на ЦСКА Москвa и еден од најсериозните кандидати за МВП наградата во регуларниот дел од сезоната во кошаркарската Евролига, Нандо де Коло, ќе ги пропушти остатантите натревари од четврт-финалната серија против Химки.
Францускиот репрезентативец, во вторникот, кога ЦСКА и Химки го играа првиот натпревар го повреди скочниот зглоб.
Клубот објави дека поради сериозноста на повредата, Де Коло ќе паузира помеѓу три и четири недели.
ЦСКА го доби првиот меч со 98:95, вториот се игра вечерва, а третиот меч е закажан за 25.април. Термините за четвртиот и петтиот натпревар се 27.април и 1.мај.
Завршниот турнир во Евролигата ќе се одигра од 18. до 20.мај во Белград.
