„Citigroup Inc“ оствари добивка поголема од очекуваната за првиот квартал од годината, благодарение на нејзиниот бизнис со потрошувачко банкарство и растот при трговијата со акции.
Приходите од меѓународното банкарство на потрошувачи се зголемија за 7 отсто благодарение на одличните перформанси во Северна Америка, Мексико и Азија, објави „Ројтерс“. Во исто време, приходите на пазарот на капитал пораснаа за 38%, зголемени од нестабилноста во првите три месеци од годината.
По објавувањето на извештајот, акциите на четвртата по големина американска банка по средства пораснаа за 1,28%.
Нестабилноста во февруари ги засили глобалните пазари за разлика од спокојната 2017-та, што влијаеше на приходите од тргување.
За периодот од јануари до март, чистата добивка на „Citigroup“ се зголеми за 13 отсто на 4,62 милијарди долари. Заработката по акција изнесуваше 1,68 долари, што соодветствува на просечните очекувања на аналитичарите на „Ројтерс“ од 1,61 долари.
„Нашите резултати за првиот квартал демонстрираат сила и рамнотежа во нашата франшиза и не ставаат во добра позиција во останатиот дел од годината“, се вели во соопштението на извршниот директор на банката Мајк Корбат.
Вкупниот приход на „Citigroup“ се зголеми за околу 3 отсто на 18,87 милијарди долари, додека оперативните трошоци, исто така, се зголемија од 2 отсто на 10,92 милијарди долари.
Зголемувањето на приходите на пазарот на капитал го компензира падот од 7% во најголемиот трговски бизнис на банката со фиксен приход. Заедно, двете покажаа раст од 1%.
Враќање на реалниот основен општ капитал е во износ од 11,4%, па делумно затоа компанијата мораше да ја намали оценката на вредноста на сопствениот капитал во четвртиот квартал од годината поради промени во американските даночни закони.
