Тимот на Торино оствари победа со 1-0 дома против Интер во 31-то коло во Серија А. Единствениот гол во натпреварот падна во 36-тата минута кога Србинот Адем Љајиќ ги казни гостите со прецизен удар.
Фудбалерите на Лучано Спалети на тој начин пропуштија златна шанса да се искачат на третото место по вчерашниот пораз на Рома. „Волците“ исто така дозволија изненадувачки пораз од Фиорентина со 0-2.
Интер се четврти на табелата со 59 поени, додека Торино останува на 10-тата позиција со 45, сега само три зад Аталанта и Сампдорија.
Торино го постигна и првиот успех против „неразурите“ од 1994 година. Интер загуби само два пати во последните 23 натпревари против „биковите“ на сите турнири, но среќата денес не беше на страната на гостите.
