По репрезентативната должност, за која во Палермо не беа најсреќни, Илија Несторовски се врати на клупските обврски кон тимот од Сицилија, постигнувајќи гол, но неговиот клуб загуби со 3:2 на гостувањето кај Парма, директниот ривал за пласман во Серија А.
Несторовски го постигна својот 14. гол оваа сезона за Палермо, меѓутоа тоа беше само за намалување на 3:1, по што гостите успеаја да постигнат уште еден гол во финишот на натпреварот.
По 33. кола во италијанската втора лига, Палермо се трети со 57 поени, еден помалку од второпласираниот Фросиноне и четири пред Парма. Два тима директно влегуваат во италијанската елита, така што до крајот на сезонат ќе биде многу интересно.
