„Xiaomi“ има многу интересни уреди, кои може да ги очекуваме наскоро. Додека го чекаме дебито на „Mi Mix 2s“, сега на листата на „Geekbench“ се појавува уште еден интересен телефон, кој ја има ознаката „Xiaomi Blackshark SKR-A0“.
„Benchmark“ листата открива чипсет „Snapdragon 845“ и 8GB RAM, a резултатите кои телефонот ги постигна се значително високи. Инсајдерски извори тврдат дека добрите резултати се постигнати благодарејќи на новото решение за ладење, па така „CPU“ и „GPU“ ги задржат ниските температури при напорната работа на уредот.
Ова е само една од индикациите дека „Blackshark SKR-A0“ би можел да биде првиот во линијата гејминг телефони на „Xiaomi“. Доколку малку подобро се истражи, можно е да се поврзе „Xiaomi“ со компанијата која се нарекува „Black Shark Tech inc.“, над која „Xiaomi“ има делумна сопственост. „Black Shark Tech“ е специјализиран за интересни „OCR“ решенија и истражувања на полето за развој на мобилни камери.
Од останатите карактеристики гејминг телефонот на „Xiaomi“ вклучува 2160 x 1080p дисплеј, како и „Android 8.0“ оперативниот систем.
„Blackshark SKR-A0“ најверојатно ќе биде достоен конкурент на „Razer Phone“, кој неодамна пристигна на мобилниот пазар.
