Селекторот на фудбалската репрезентација на Македонија, играчи до 19 години, Вујадин Станојковиќ, го објави списокот со повикани фудбалери за елитната квалификациска рунда за пласман на Европското првенство во Финска 2018 година.
Македонија ќе биде домаќин на турнирот што од 21 до 27 март ќе се игра во Скопје. Противници на Македонија до 19 години ќе бидат репрезентациите на Англија, Унгарија и на Летонија.
За натпреварите што ќе се играат на тренинг-центарот „Петар Милошевски“ и националната арена „Филип Втори“ селекторот Станојковиќ ќе смета на следните фудбалери.
