Кон крајот на овој месец, поточно на 27-ми март, „Huawei“ ќе ги претстави новите паметни телефони од серијата „P“, и тоа два модели од премиум класата – „P20“ и „P20 Pro“, и еден со малку послаби карактеристики – „P20 Lite“.
Во последните месеци имаше доста информации за хардверот со кој ќе биде опремена оваа „тројка“, а сега пристигнува и вест за сумата која ќе биде потребна да се издвои за новите модели на кинескиот гигант.
Цените за европскиот пазар ги објави германскиот техно-блогер Роланд Квант. Според неговите информации, „P20 Lite“ ќе чини 369 eвра.
Основниот „P20“ ќе се продава за 679 eвра, a неговата „Pro“ верзија дури 200 евра повеќе – 899 евра.
„P20“ и „P20 Pro“ се засновани на чипсетот „Kirin 970“ и ќе има по две (P20), oдносно три (P20 Pro) задни камери.
Благодарејќи на шпанскиот „Vodafonе“, неодамна беше објавено дека „P20 Lite“ ќе има две задни камери од 16MP и 2MP, како и предна со резолуција од 16MP.
Откриено е дека екранот на новиотсмартфон ќе има дијагонала од 5,84-инчи „FHD+“ резолуција.
„P20 Lite“ ќе биде опремен со 4GB RAM и 64GB интерна меморија, а ќе има батерија со капацитет од 3.000 mAh.
Софтверот во сите три уреди за основа ќе го има „EMUI 8.0“, зад кој се наоѓа „Android 8.0 Oreo“.
