Баерн Минхен одлучи да ги купи правата на Хамес Родригез на крајот од оваа сезона, вели „Спорт Билд“.
Колумбискиот играч од средниот ред го импресионираше раководството на „баварците“ со неговите настапи во црвено-белиот дрес. На „Алијанц Арена“ се восхитуваат на неговата техника, напаѓачка моќ и вештината да игра на различни позиции.
Јужноамериканец е позајмен од Реал Мадрид за две сезони. За секоја од нив, „кралевите“ треба да добијат 5 милиони евра. Клубот во Минхен, исто така, ја презеде платата на Хамес – 8 милиони евра.
Доколку се одлучи да ги откупи правата за репрезентативецот на Колумбија, Баерн ќе мора да му плати клубот од „Сантијаго Бернабеу“ сума од 35,2 милиони евра.
