Реал Мадрид подготвил понуда од 40 милиони фунти за напаѓачот на Ливерпул Луис Суарез. Овој предлог е упатено до менаџерот на играчот Пере Гвардиола, кој е брат на новиот тренер на Баерн Минхен, Пеп Гвардиола.
Главната причина на „кралевите“ да се насочат кон Суарез е тоа што тој чини поевтино од ѕвездата на Наполи Едисон Кавани чија ослободувачка клаузула во договорот е 52 милиони фунти.
„Не мислиме да го продаваме Суарез. Луис е еден од најдобрите играчи во светот, но не е за продажба. Нема да разгледуваме понуди ниту од Реал Мадрид, ниту од друг клуб “, коментираа од раководството на Ливерпул.
Менаџерот на Ливерпул, Брендон Роџерс неколкупати најави дека сака да го задржи и дека тој ќе биде главната карика врз која ќе се базира играта на „црвените“ во следната сезона.