Арсенал прв поведе во 63. минута, за потоа Челзи успеа да направи резултатски пресврт во 67. од пенал и во 84. минута, но во судиското продолжение „топчиите“ изедначија преку Хектор Беленир.
Во последните моменти од мечот „сините“ можеа да дојдат до трите бода, но Давид Запакоста ја погоди стативата.
Менаџерот на Арсенал, Арсен Венгер уште еднаш се пожали на судиските одлуки, откако неговиот тим одигра нерешено 2:2 синоќа во лондонското дерби со Челзи.
“Судиите повторно донесоа одлука против нас, па сега при подготовката за натпреварите мораме да имаме во предвид дека ќе се среќаваме со вакви работи. Не се откажавме, игравме до крајот, мислам дека покажавме добар фудбал. Вистинските навивачи сакаат вакви дуели, секој ќе разговара за нив, но лошо е што повторно видовме лоши одлуки на судиите”, изјави Венгер.
