Audi RS4 Avant зa 2018-та (фото+видео)

Почетокот на продажбата на новиот „RS4 Avant“ на европскиот пазар, „Audi“ го одбележи со свежи фотографии од овој спортски караван.

Најмоќниот автомобил од семејството на новиот „Audi A4/A5“ има 2.9-литарски „TFSI“ би-турбо „V6“ мотор кој произведува 450 ks и 600 Nm.

Моќта стандарно се пренесува на сите четири тркала со помош на системот „quattro“ и модифицираниот автоматски менувач.

Oд 0 дo 100 km/h новиот „RS4 Avant“ стигнува за само 4,1 секунди, a максималната брзина електронски е ограничена на 250 km/h. Со изборниот пакет „RS Dynamic“, лимитот се подигнува до 280 km/h.

Само за споредба, најмоќниот караван на „Audi“ е побрз за 0,1 секунди во однос на конкурентскиот „Mercedes-AMG C63 Estate“, кој е опремен со би-турбо „V8“ агрегат и седумбрзински автоматик.

Според фабричките податоци, новиот „RS4 Avant“ е полесен од претходникот за околу 80 kg (масата на празен автомобил изнесува 1.790 kg), a просечно троши 8,8 l/100 km и емитува 199 g CO2/km.

Автомобилот стандардно е опремен со „RS Sport“ суспензија, благодарејќи на која „RS4 Avant“ е понизок од обичната караван верзија „A4“ со спортска суспензија.

Меѓу изборните опции се и „Dynamic Ride Control“ и керамичките сопирачки. Тракалата од 19 инчи доаѓаат како стандардни, а на располагање се и избори алуминиумски бандажи од 20 инчи.

Најевтиниот „RS4 Avant“ во Германија ќе чини 79.800 eвра.