Спортската поделба на „BMW“ тестира прототипови на „М“-машини опремени со хибридни погонски единици. Ова го најави потпретседателот на „BMW M GmbH“ – Дирк Хакер, во интервју за „Autocar“.
Топ-менаџерот не даде конкретни информации, но ја идентификуваше појавата на „надуени“ хибриди во опсегот на „BMW“ како „неизбежни“. Според него, во моментов, инженерите на компанијата работат на многу варијанти, но не е јасно кои модели конкретно ќе завршат на крајот. Главниот проблем што треба да се реши е зголемувањето на тежината и неговото влијание врз брзината и маневрирањето на возилото.
Компанијата признава дека модерните технологии се уште не се идеални и треба да се прилагодат на одредени модели. Хакер, сепак, забележува дека во 2021-ва година „BMW“ ќе воведе поефикасни батерии и електромотори кои ќе понудат поголем простор за употреба во „М“-моделите на брендот.
Сето ова не значи дека Баварците ќе го напуштат развојот на моторите со внатрешно согорување. Тие ќе бидат произведени сè додека не се забранат со закон и ќе ги задоволат сите еколошки барања.
Според „Autocar“, првиот хибриден модел на брендот ќе биде следната генерација „М3“ која ќе биде пуштена во 2021-ва година. Таа ќе биде опремена со 3.0-литарски турбомотор со 6-цилиндри и систем за вбризгување вода во колекторот. Моќта на единицата ќе биде околу 500 КС.
