Манчестер Сити официјално објави дека склучиле договор со американскиот спортски концерн Најк во вредност од 72 милиони фунти. Паралелно со тоа од клубот открија како ќе изгледаат новите дресови со кои ќе играат „граѓаните“ во следната сезона.
Договорот е за период од шест години и е од особено значење за клубот поради зголемувањето на приходите од реклами.
Екипата беше презентирана пред медиумите во Њујорк, каде што се на турнеја. Џо Харт, Винсент Компани, Пабло Забалета, Џек Родуел, Карлос Тевез, Џејмс Милнер и Матија Настасиќ влегоа во улогата на модели презентирајќи ја новата опрема.