Џек Сок ја освои титулата на Мастерсот во Париз. Американецот во финалето ја совлада српската сензација Филип Крајиновиќ со 5:7, 6:4, 6:1.
Сок го забележа најголемиот успех во кариерата ја освои првата титулата на турнирите од Мастерс серијата и од денес првпат ќе биде дел од Топ 10 на АТП листата.
Српскиот тенисер не успеа со титулата да ја заокружи извонредната недела во Париз, на турнирот влезе преку квалификациите, а потклекна дури во завршниот меч. Крајиновиќ од денес е 33 на АТП листата.
Србинот го доби првиот меч во финалето, откако најпрвин ја испушти брејк предноста во осмиот гем, но успеа да направи уште еден во моментот кога ривалот сервираше за 6:6 и тајбрејк.
Загубениот прв сет не ја поремети играта на Сок кој во првиот гем на првиот сет успеа да му го одземе сервисот на пртоивникот, потоа направи уште еден брејк и стигна до предност 4:1. Крајиновиќ потоа врати еден брејк но Сок го доби сетот 6:4 и израмни на 1:1.
Третиот сет се одвиваше по исто сценарио како и вториот. Брејк на стартот за Сок, потоа и уште еден кога целосно се распадна играта на Крајиновиќ, а Американецот стигна до најголемата титула во кариерата.
