Реал Мадрид, во вторникот, го победи Милано 100:90 во третото коло, во Евролигата, а во центарот на вниманието беше тинејџерот Лука Дончиќ.
18-годишнот Словенец доминираше на оваа средба, по која стана најмладиот играч кој имал вкупен рејтинг на корисност поголем од 40. Таков рејтинг пред една деценија на 21-годишна возраст остварил Црногорецот Никола Пековиќ, во дресот на белградски Партизан.
Дончиќ дуелот со Милано го заврши со 27 пони, 8 скока, 5 асистенции, 3 украдени и една загубена топка, а врз него беа направени 10 прекршоци. Сето ова му донесе рејтинг 41, со што стана апсолутен рекордер за кошаркари до 21 година.
Кога станува збор за евролигашкиот рекорд во индексни поени (рејтинг) тука неприкосновен е некогашниот играч на Жалгирис, Американецот Танока Берд.
Берд на 22 јануари 2004 година во поразот на Жалгирис во Болоња, од екипата на Скипер 117:107 остварил неверојатен рејтинг 63 (35 поени, 19 скока, 2 украдени топки, 2 блокади, а врз него биле направени 11 прекршоци).
