Раководството на Атлетико Мадрид ќе се обиде да го доведе на „Висенте Калдерон“ напаѓачот на Севилја Алваро Негредо кој ќе биде замена за колумбискиот голгетер Радамел Фалкао, кој речиси со сигурност ќе биде продаден во текот на летото.
Според медиумите во Шпанија напаѓачот на „андалузијците“ му дал зелено светло на агентот да започне преговори со освојувачот на Кралскиот куп и иден учесник во Лигата на шампионите.
Очекувањата се „јорганџиите“ да понудат 18 милиони евра за Негредо, додека Севилја сакаат 25 милиони евра за својот капитен.
Интерес за 27-годишниот шпански репрезентативец пројавуваат уште и Борусија Дортмунд, Фиорентина и Вест Хем.