Европската ракометна федерација (ЕХФ) ги најави новите планови за иднина во кои е опфатен новиот формат на натпреварувања во Лигата на шампионите од 2020 година кога само 12 клуба ќе бидат дел од елитата.
Осум тима ќе доаѓаат од најдобрите лиги на светот, а четири од нив ќе изборат пласман преку квалификациите. Тоа значи 22 кола во лигашкиот формат, по што најдобрите осум ќе играат четврт-финале, па ќе следува фајналфор-турнирот.
ЕХФ-купот ќе го смени името во Европска ракометна лига (ЕХЛ) со 24 клуба во четири групи. Четирите најдобри од групите ќе играат во осмина-финале. Челинџ-купот останува со ист формат, но сега ќе биде познат како ЕХФ-куп.
Со ова би требало да се добијат повеќе средства за клубовите бидејќи има над 25 агенциски компании што се заинтересирани за купувањата на правата на лигата.
