Андрес Иниеста решил да го продолжи договорот со Барселона „до крајот на кариерата“. Клупската легенда на овој начин стави крај на шпекулациите дека по завршувањето на сезоната ќе го напушти клубот.
„Андрес Иниеста потпиша во петокот доживотен договор со Барселона. Според договорот тој ќе остане во клубот до крајот на кариерата“, објави Барселона на својата официјална интернет страница.
Иниеста има одиграно 639 натпревари за Барселона и на вачната листа се наоѓа на второто место зад Чави Ернандез (767).
Андрес Иниеста во Барселона пристигна на 12-годишна возраст, а за првиот тим дебитираше на 29.октомври 2002 година.
Од 2015 година тој е капитен на Барселона и еден од симболите на клубот.
