Рафаел Надал избори пласман во полу-финалето на АТП турнирот во Пекинг. Шпанецот во четврт-финалето, во два сета (6:4, 7:6) го победи Американецот Џон Изнер.
Првиот светски рекет, во првиот сет ја искористи првата брејк топка во деветтиот гем, а потоа следуваше сервис гем во кој го птврди брејкот и со кој го освои првиот сет.
Во вториот сет двајцата беа сигурни во своите сервис гемови, а Надал во вториот гем спаси две брејк топки.
Во тај-брејкот Надал ја покажа класата, освојувајќи ја тринаесетата игра без загубен поен.
Противник на Надал во полу-финалето ќе му биде Бугаринот Григор Димитров кој во три сета (7:6, 4:6, 6:2) го победи Роберто Баутиста-Агут.