Последиците од референдумот за независност на Каталонија се видливи и во фудбалот. Особено тоа е изразено на релација Мадрид-Барселона.
Фудбалерите на Атлетико Мадрид и Барселона на 14 октомври ќе се сретнат во дербито на осмото коло во Ла Лига. Овој дуел на програмата е по репрезентативната пауза, а ќе се игра на „Ванда Метрополитано“ во Мадрид.
Челниците на Атлетико решиле да ни им продаваат билети на гостинските навивачи.
Проблемот настанал бидејќи 62 навивачи на Барселона веќе купиле билети за натпреварот. Сепак, челниците на Атлетико решиле на оние кои набавиле билети да им биде овозможено да го следат натпреварот, а на другите нема да им биде овозможено да купат билети.