Одбојкарките на Србија се новите европски шампионки. Во финалето на континеталниот шампионат кој се одржа во Азербејџан, Србија ја победи Холандија со 3:1.
Српските одбојкарки без пораз стигнаа до втората европска титула во историјата, а од 2006 година тие имаат освоено 15 медали на големите натпреварувања.
На патот до финалето тие ги совладаа Холандија, Чешка, Белгија, Белорусија, Турција во полуфиналето и во мечот за титулата беа повотрно подобри од Холанѓанките.
Во Баку Србија ги доби првите два сета 25:20, 25:22, потоа Холандија возврати со 18:25, а во четвртиот сет српските одбојкарки беа подобри со 25:18.
Бронзениот медал го освои Турција со победата 3:1 над домаќинот Азербејџан.
Тијана Бошковиќ која со 29 поени во финалето ја предводеше Србија до титулата е прогласена за МВП на првенството.
Покрај Бошковиќ во идеалниот тим на Европското првенство се најдоа и нејзините колешки од репрезентацијата Бранкица Михајловиќ и Стефана Вељковиќ, односно Холанѓанките Ане Буијс, Лонеке Слетје и Лаура Дијкема, како и Еда Ердем (Турција) и Валерија Мамдова (Азербејџан).