ПСЖ објави дека го обновиле договорот со главниот спонзор на дресовите „Fly Emirates“. Авиокомпанијата ќе биде дел од клубот уште пет сезони. За овој период „светците“ ќе добијат сигурни 100 милиони евра, што е еквивалентно на 20 милиони годишно, а во зависност од успесите на тимот, оваа сума може да се зголеми. Двете страни работат заедно веќе осум години, а до овој момент клубот добиваше пет милиони помалку од сезона.
„Со задоволство можеме да објавиме дека нашето партнерство со најпрестижната авиокомпанија во светот ќе продолжи уште пет сезони. Веќе осум години работиме заедно и сакам да изразам благодарност за шансата што ни ја даваат. Не сакаме да откриваме конкретни бројки, но можам да ве уверам дека станува збор за еден од најсериозните договори за сличен вид спонзорство во Европа”, рече претседателот на ПСЖ, Насер Ал-Хелаифи.
