Карим Бензема го продолжи договорот со Реал Мадрид до јуни 2021 година, потврди клубот на својата официјална интернет страна.
Бензема го продолжи договорот со Реал Мадрид до 2021 година
Реал и менаџерот на Бензема не ги објавија финансиските детали од договорот, но се претпоставува дека тој годишно ќе заработува 7,5 милиони евра. Откупната клаузула во договорот на 29-годишниот напаѓач изнесува една милијарда евра.
Бензема е во Реал од 2009 година кога „кралскиот клуб“ на Олимпик Лион за неговите услуги му плати 35 милиони евра. Францускиот интернационалец со Реал досега има освоено 14 трофеи, меѓу кои и три во Лигата на шампионите.
Бензема за Реал има одиграно 247 натпревари, на кои постигнал 122 гола.