Украинските медиуми пласираа вест дека Дарио Срна паднал на допинг тестот пред натпреварот во Лигата на шампионите помеѓу Шахтјор и Наполи.
Оваа информација неофицијално ја објави весникот „Спортивка“ од Лвов. Официјална информација од Шахтјор сеуште нема, а клубот најави дека наскоро на својата интернет страница ќе ја информираа јавноста по ова прашање.
Поранешниот хрватски репрезентативец го одигра целиот натпревар против Наполи (2:1), но потоа го пропушти дуелот против Черноморец во Одеса во украинскиот шамионат, што само ги засили шпекулациите дека неговиот допинг тест направен пред мечот со Наполи бил позитивен.
Дарио Срна е вистинска легенда на Шахтјор, во чии дрес ја игра 14.сезона. Тој има 35 години и доколку шпекулациите дека бил позитивен допинг тест се вистина, тогаш тоа може да го забрза неговото заминување во пензија.