Ракометниот првак на Хрватска, ППД Загреб, договори големо засилување за оваа сезона. Нов играч на Загреб ќе биде официјално најдобриот десен бек од последното Светско првенство во Катар и поранешен играч на Металург, Жарко Марковиќ.
Играчот кој е роден пред 31 година во Цетиње, Црна Гора, ги договорил сите услови со ППД Загреб и во вторник ќе го стави својот потпис на едногодишниот договор.
Инаку, интерес за Марковиќ покажуваше и германскиот великан Кил, но Црногорецот кој настапува за Катар реши да ја прифати понудата на Загреб.
