Британецот Крис Фрум победи на велосипедската трка околу Шпанија (Вуелта) и стана првиот натпреварувач во модерната ера, од 1978 година, кој во иста година победил на Вуелта и Тур д’Франс.
Фрум прв пат во кариерата победи на Вуелта и стана првиот по Жак Анкетил (1968 година) и Бернар Ино (1978 година) кој во иста година победил на Вуелта и Тур д’Франс.
Второто место во генералниот пласман му припадна на Виченцо Нибали од Италија, а трет заврши Русинот Илнур Закарин.
Последната етапа на која победи Матео Трентин, а Фрум заврши на единаесеттото место, ја обележа и Алберто Контадор, за кого ова беше последната трка во кариерата.
Контадор (34) во кариерата два пати победувал на Вуелта и Тур д’Франс, а единствена дамка во кариерата му е допонг скандалот во 2010 година кога се повлече од трката околу Франција. Поради допингот него му беше одземена третата титула на Тур д’Франс.
