Хуан Мартин дел Потро продолжува со брилијантните изданија на Отвореното првенство на САД. Аргетнинецот преку Роџер Федерер избори пласман во полу-финалето.
Делпо по 170 минути игра успеа да слави против Швајцарецот со 3:1 (7:5, 3:6, 7:6, 6:4). Клуч за триумфот на Аргентинецот беше третиот сет, во кој имаше 3:0 и брејк топка за 4:0, но Федерер успеа да се врати во сетот и да избори тај-брејк.
Во 13.игра Федерер имаше сет топка, најпрвин на 4:6, а потоа и на 6:7 и 7:8, но Делпо успеа да се извлече и да го добие тај-брејкот со 10:8.
Во решавачкиот сет на Делпо му беше доволен еден брејк за да го заврши мечот и да ја забележи шестата победа над Швајцарецот во нивниот 22-ри меѓусебен дуел.
Дел Потро во полу-финалето за противник ќе го има Шпанецот Рафаел Надал. Рафа за само 99 минути со 6:1, 6:2, 6:2 го победи рускиот тинејџер Андреј Рубљов.
„Го одиграв веројатно најдобриот меч на турнирот. Се направив добро, со форхендот напаѓав најсилно што можев, мислам дека заслужив да победам. Ова е мојот омилен турнир, против Надал играв во 2009 година и се надевам дека ќе го повторам тој резултат“, рекол Дел Потро.
„Штета што испаднав, но Хуан Мартин одигра подобро. Чувствував дека за мене нема место во полу-финалето и искрено тој има поголеми шанси да го победи Рафа. Мојата моментална форма не е доволна за да се освои овој турнир. Подобро што испаднав, бидејќи турнирот ќе може да го освои некој што игра добро“, изјавил Федерер по поразот од Дел Потро.