Летниот преоден рок ги помести границите на трансфер-пазарот. Пари Сен-Жермен ја проби границата од 200 милиони евра за еден фудбалер. По ова, на сите им е јасно дека ништо повеќе нема да биде исто на трансфер-пазарот.
Пари Сен-Жермен за услугите на Нејмар на Барселона ѝ плати 222 милиона евра, колку што изнесуваше неговата откупна клаузула. Овој трансфер е светски рекорд и во моментот кога беше реализиран, беше двапати поголем од она што лани Манчестер јунајтед му плати на Јувентус за Пол Погба.
Откако активностите на трансфер-пазарот завршија, познато е кои клубови најмногу трошеле, на врвот очекувано е Пари Сен-Жермен.
10. Монако 121,2 милион долари
9. Баерн Минхен 123,2
8. Јувентус 177,5
7. Евертон 188,4
6. Манчестер јунајтед 195,8
5. Барселона 229,2
4. Милан 237,6
3. Челси 241,7
2. Манчестер сити 290,9
1. Пари Сен-Жермен 444
