Црна Гора со 3-0 славеше против Казахстан

Фудбалската репрезентација на Црна Гора направи голем чекор кон пласманот во баражот за Светското првенство во Русија.

Црногорците, во рамките на Е групата во Астана, убедливо го поразија Казахстан со 3:0 (1:0).

Головите за Црна Гора го постигнаа Вешовиќ во 31.минута, односно Беќирај во 53. и Симиќ во 63.минута.

Црногорците со овој триумф се искачија на второто место на табелата со 13 бодови, три помалку од лидерот Полска, односно три повеќе од третопласираната Данска.

Црна Гора в понеделник ќе ја пречека селекцијата на Романија.