Србија и Шпанија со победи ги отворија натпреварите на Европското првенство во кошарка.
Србија, во Истанбул, успеа да слави притив незгодната Летонија 92:82. Долго време Србите го кршеа отпорот на Летонците кои имаа 12 поени предност во првата четврита, а два на полувремето. Србија ја презеде контролата врз натпреварот благодарение на триото Богдановиќ-Мачван-Гудуриќ, кои потпомогнати од Марјановиќ на крајот и ја донесоа победата на својата репрезентација.
Блескаше Богдановиќ кај Србија со 30 поени, Мачван имаше 14 поени и 10 скокови, Марјановиќ постигна поен помалку, а Гудуриќ реализира девет кошеви со само едно промашување од поле.
Летонија ја предводеа Прозингис со 18, односно браќата Бертранс, Даирис постигна 23, а Давис 16 поени.
Актуелниот европски шампион Шпанија во првото коло ја прегази Црна Гора со 99:60. Шпанците мечот го решија во првата четвртина, која ја добија со 26:14. Во преостанатите три четвртини Шпанците само ја зголемуваа предноста.
Вили Ернангомез беше најефикасен кај Шпанија со 18 поени, додека Вучевиќ на спротивната страна постигна 16 поени.