Германскиот репрезентативец Бенедик Хеведес до крајот на сезоната како позајмен играч од Шалке ќе настапува во редовите на Јувентус, соопшти италијанскиот шампион.
Јувентус во соопштението наведува дека за 29-годишниот дефанзивец платил 3,5 милиони евра, а доколку тој сезонава одигра најмалку 25 натпревари сумата ќе се искачи до 13,5 милиони евра.
Хеведес за Германија има одиграно 44 натпревари, а беше и дел од тимот кој го освои светското првенство во Бразил пред три години.