Марио Манџукиќ го постигна најубавиот гол во сезоната 2016/2017 во натпреварувањата што ги организира УЕФА. Голот на сезоната го избраа читателите и посетителите на интернет-страницата на УЕФА.
Манџукиќ во финалето во Лигата на шампионите постигна спектакуларен гол со ножички. Хрватскиот репрезентативец во тој момент го израмни резултатот против Реал на 1:1, но на крајот „кралскиот клуб“ го победи Јувентус со 4:1.
Голот на Манџукиќ освои 26 отсто од гласовите (18.858), второто место му припадна на Муса Со (25 отсто), а трет е Каземиро со 20 отсто од гласовите.
