Актуелниот европски шампион во ракомет, Вардар, го освои третото место на неофицијалното светско клупско првенство наречено „Супер Глоуб“. Во „малото финале“ Вардар го декласираа домашниот Ал Сад со 37-19 (14-10).
„Црвено-црните“ победникот го решија по 25.минута, односно со фуриозна игра во второто полувреме. Ал Сад на пет минути до крајот на првиот дел имаше активен резултат 10:9, но во наредните 35 минути Вардар постигна 27, а прими само 10 голови.
Шишкарев со осум голови беше најефикасен кај Вардар, пет гола постигна Дибиров, а по четири Војводиќ, Стоилов, Македа и Борозан.
Вардар за освоеното трето место освои и чек на 150.000 долари.
