Најдобриот играч на Динамо Киев, Андреј Јармоленко кариерата ќе ја продолжи во Борусија Дортмунд, соопшти германскиот клуб.
Јармоленко со „милионерите“ потпиша четиргодишен договор. Тој во Дортмунд пристигна како замена за Осман дембеле, кој во понеделникот стана член на Барселона.
Борусија за трансферот на 27-годишниот Украинец издвои 20 милиони евра.
Јармоленко во кариерата три пати е прогласуван за најдобар играч на Украина (2013, 2014, 2015). За Динамо одиграл 339 натпревари на кои постигнал 137 голови.
