Македонскиот репрезентативец Стефан Ристовски го официјализираше трансферот во еден од великаните на португалскиот фудбал, Спортинг од Лисабон.
Спортинг потврди дека десниот бек на македонската репрезентација во наредните пет години ќе го носи „зелено-белиот“ дрес.
Ристовски изминатите две години ги мина во Риека и беше еден од најзалужните за освојувањето на шампионската титула.
Десниот бек за македонската репрезентација има одиграно 33 натпревари, а неодамна против Шпанија го постигна дебитанскиот гол.
