Поранешниот шпански репрезентативец Алваро Негредо од Премиерлигата се сели во првенството на Турција, во редовите на шампионот Бешикташ.
Негредо е играч на Валенсија, кој минатата сезона ја мина како позајмен фудбалер во Мидлсброу.
Бешикташ за неговите услуги на Валенсија ѝ плати сума од 2,5 милиона евра.
Тој е второто големо засилување за „црно-белите“ од Истанбул откако уште на почетокот од преодниот рок во клубот пристигна Португалецот Пепе од мадридски Реал.
Негредо во кариерата играл за Алмерија, Реал, Севилја и Манчестер сити, тој со Шпанија стана европски првак во 2012 година.
