Дефанзивецот Куко Мартина кариерата ќе ја продолжи во Евертон. Во клубот од Ливерпул ќе остане до 2020 година.
Мартина изминатите две сезони играше во Саутемптон, за кого одигра 24 натпревари и постигна еден гол. Пред доаѓањето во Премиер лигата го носеше дресот на Твенте.
„Мартина е искусен играч кој може да игра на различни позиции во одбраната. Неговиот ангажман е важен поради големиот број натпревари кои нè очекуваат оваа сезона“, вели менаџерот на Евертон, Роналд Куман.
Мартина е шесто засилување за Евертон во актуелниот преоден рок. „Карамелите“ новата сезона во Премиер лигата ќе ја почнат на 12 август, против Стоук.