Хамес Родригез, кој беше ѕвезда на Светското првенство во 2014 година, по неговото завршување од Монако се пресели во Реал за сума од 79,8 милиони евра.
Овој трансфер е третиот најскап во историјата на Реал, по трансферите на Кристијано Роналдо и Герет Бејл, а шести најскап во историјата на фудбалот.
Сепак, за три години Колумбиецот не успеа во целост да се наметне, а во последната сезона кај Зинедин Зидан најчесто играше во натпреварите, кога тренерот ги одмораше главните играчи.
Кон крајот на минатата сезона тој најави дека сака да замине од Реал, а како најсериозни кандидати за неговиот потпис се споменуваат Манчестер Јунајтед, Челзи и ПСЖ.
Сепак, Колумбиецот реши да се пресели во Баерн, кај својот поранешен тренер Карло Анчелоти. Хамес две години ќе настапува како позајмен игра, а Баварците во 2019 година ќе имаат право да го откупат неговиот договор.