Менаџерот на Манчестер Јунајтед, Жозе Мурињо, има намера на својот поранешен клуб Челзи да му „украде“ уште еден играч. Откако Ромелу Лукако во последен момент го смени мислењето и заврши во Јунајтед, истото може да се случи и со Тиему Бакајоко од Монако.
Играчот од средниот ред на фрнацускиот првак долго време се најавува како засилување за Челзи, но можно е и тој, како и Лукаку, на крајот од сагата да заврши на „Олд Трафорд“.
Жозе Мурињо е лут што Челзи го блокира трансферот на Немања Матиќ и поради тоа ќе се обиде да му го земе на својот екс клуб планираното засилување.
Англиските медиуми објавија дека Манчестер Јунајтед за 22-годишниот фудбалер на Монако му понудил 40 милиони евра.