Утринава фудбалерите на Вардар отпатуваа кон Шведска, каде во среда ќе го одиграат првиот меч во второто квалификациско коло, во Лигата на шампионите против Малме.
„Црвено-црните“ во Шведска ќе пристигнат во претпладневните часови, а вечерва ќе го одработат и првиот тренинг во Малме.
Утре е официјалниот тренинг на „Новиот стадион на Малме“, а претходно Вардарци ќе имаат прес конференција.
Натпреврот во среда ќе запоне во 19 часот, а реваншот во Македонија е една недела подоцна.
