Водечките англиски медиуми во четвртокот објавија дека Манчестер Јунајтед постигнал договор со напаѓачот на Евертон, Ромелу Лукаку.
Според истите извори, Белгиецот, за кого интерес покажува и неговиот поранешен клуб Челзи, ќе пристигне на „Олд Трафорд“, додека Вејн Руни по 13 години минати во дресот на Јунајтед ќе се врати во својот поранешен тим, Евертон.
Британскиот сервис Би-би-си тврди дека трансферот на Лукаку во Манчестер Јунајтед ќе изнесува 75 милиони фунти.