Долгогодишниот капитен на Челзи, Џон Тери, официјално го засили тимот на Астон Вила, потврди претседателот на клубот, Тони Сја.
Џон Тери по завршувањето на сезоната реши по 22 години да го напушти „Стенфорд Бриџ“. Искусниот дефанзивец, во кариерата одиграл 713 натпревари и постигнал 66 голови за „сините“. Со Челзи тој освоил 16 трофеи, меѓу кои еден е во Лигата на шампионите.
Англиските медиуми најавуваат дека Тери со тимот кој настапува во Чемпионшип дивизијата ќе потпише едногодишен договор за 4,5 милиони евра.