Првакот на Јужна Америка, фудбалската репрезентација на Чиле е првиот финалист на Купот на конфедерации откако во полуфиналето беше поуспешна од европскиот првак Португалија со 3:0, по подоброто изведување на пенали, бидејќи по 120 минути игра натпреварот заврши без голови.
Иако обата тима за време на мечот имаа по неколку зрели шанси, мрежите не се тресеа благодарение на расположените голмани.
При изведувањето на пеналите, јунак се претвори голманот на Чиле Клаудио Браво, кој ги одбрани сите три удара на португалските фудбалери, Кварезма, Мутињо и на Нани.
Од друга страна, Видал, Арангуиз и Санчез го совлада Руи Патрисио.
Во второто полуфинале денеска во Сочи ќе се сретнат Германија и Мексико.
Финалето се игра во недела во Санкт Петербург.
