Искусниот српски тренер Мирослав Николиќ наредната сезона од клупата ќе ги предводи кошаркарите на Партизан, објави Б92 повикувајќи се на свои извори.
Николиќ на клупата на Паризан се враќа по 19 години, а доаѓа по одличната сезона која ја имаше во КК Динамик.
Партизан пред неколку недели остана без Александар Џикиќ, кој во меѓувреме беше промовиран во нов тренер на Будуќност од Подгорица, а во исто време клубот го наушти и претседателот Никола Пековиќ.
Николиќ во моментов е и прв асистент во српската кошаркарска репрезентација. Во кариерата како тренер работел во Раднички, Будуќност, Црвена звезда, Војводина, Аполон, Хемофарм и Автодорожник.