Поранешниот холандски репрезентативец, кој по завршувањето на кариерата започна тренерска кариера, Франк Де Бур е новиот менаџер на Кристал Палас.
Де Бур на клупата го наследи Сем Алардајс, а со новиот клуб потпиша тригодишен договор.
Холанѓанецот во втората половина од минатата сезона беше без работа откако доби отказ во Интер, на чија клупа се задржа само 84 дена.
Во кариерата тој го тренирал Ајакс, во периодот од 2010 до 2016 година и успеа да освои четири титули во холандското првенство.
