Стан Вавринка и Рафал Надал, в недела, ќе се борат за титулата на вториот гренд слем во сезоната, Ролан Гарос. Вавринка ќе се обиде да стигне до својот втор трофеј, а Надал до јубилејната десетта титула во Париз.
Стен Вавринка во првото полуфинале, во пет сета, успеа да го совлада минатогодишниот финалист, актуелниот број 1 Енди Мари.
Швајцарецот победи со 6:7, 6:3, 7:5, 7:6, 6:1. Решавачки за конечниот победник беше четвртиот сет кој Вавринкса успеа да го добие во тај брејк, а потоа во петиот целосно го скрши отпорот на Британецот.
Неверојатен е податоткот дека Вавринка на крајот имаше 87 директни поени.
За разлика од Вавринка, Рафа Надал рутински успеа да го победи Австриецот Доминик Тим во три сета 6:3, 6:4, 6:0.
Надал во финалето ќе има можност да стане првиот играч во историјата на тенисот кој на еден гренд слем освоил двоцифрен број на титули.
