Нов член на Серија А е клубот Беневенто

Фудбалскиот клуб Беневенто првпат во клупската историја избори пласман во италијанската Серија А.

Беневенто синоќа во баражот за влез во елитното италијанско друштво славеше со минимални 1:0 над Карпи. Првиот натпревар помеѓу двата тима заврши 0:0.

Голот кој значеше пласман во Серија А го постигна Георг Пушкаш во 32. минута.

Беневенто во својата досегашна историја најчесто се натпреваруваше во пониските рангови на италијанскиот фудбал, а деби сезоната во Серија Б ја заврши на петтото место, а потоа низ плејофот избори пласман во елитата.

Покрај Беневенто, од наредната сезона во Серија А ќе играат СПАЛ и Верона