Еврокупот ја најави новата сезона во која регионалната кошаркарска АБА лига ќе има три тима.
Според позициите од минатата сезона трите тима кои изборија пласман во Еврокупот се Цедевита, Будуќност и Партизан.
Покрај АБА лигата, во Еврокупот со по три тима ќе бидат застапени Франција, Италија, Турција и Германија, додека Грција, Израел, Литванија и Полска добија по едно место. Еврокупот ќе врачи и три специјални покани за учество во ова натпреварување.
Кошаркарскиот Еврокуп во сезоната 2017/2018 ќе брои 24 екипи, но системот на одигрувањето на натпревари ќе биде ист како и минатата сезона кога се натпреваруваа 20 екипи.
Исто така, Еврокупот обезбедил поголем буџет за клубовите кои ќе заработат и од продажбата на телевизиските права на натпреварите.
Како и секоја година освојувачот на Еврокупот ќе избори директен пласман во Евролигата.
