Светската кошаркарска федерација (ФИБА) ја објави листата на земјите кои поднеле кандидатура за организација на Светското првенство во 2023 година.
Според ФИБА, поединечни кандидатури поднеле Русија и Турција, а заеднички Аргентина и Уругвај, односно Јапонија, Филипини и Индонезија.
Рокот за поднесување кандидатури истекува во август, а одлуката каде ќе се одржи Мундобаскетот во 2023 година ФИБА ќе ја донесе на состанокот на Централниот борд во ноември или во декември.
Инаку, наредното Светско превенство ќе се одигра од 31 август до 15 септември 2019 година во Кина.
